好多家長會問，小一面試會考d咩？點樣準備好？
我相信「自我介紹」依個環節係基本動作大家一定無反對，但係依個亦係好多家長好容易忽略嘅一條問題😅
最常見嘅情況：
👩🏻🏫：小朋友你可唔可以介紹下自己呀？
👦🏻：我叫栢熹，今年5歲
～完～
大家覺得依個答案點呢？有無改善空間？老師又會點睇？點樣分高下？
這條問題看似很基本，但若家長肯花一點時間在家預演一下，讓他們認識自己多一些，面試時會答得更流暢、更自然、更有自信。
其實大家又唔需要太刻意叫小朋友記一大段自白詞，最緊要係夠真實，咁小朋友講出嚟時先會自然流暢，否則便會有生梗和背誦的感覺😉
小編為大家設計了一份工作紙，家長可以自行列印出來和小朋友在家練習，當然唔需要跟足，不過可以比d idea 💡 大家有d咩可以講，最好同小朋友一齊商量，等佢都可以一齊參與。
📌 大家要切記，無論中英文都好，一定要用完整句子作答，如果講名，要連名帶姓一齊講，千萬唔好只係講名，更加唔會講 nickname 🙅🏻♀️ 這是大大的失分位！
📌 另一個家長熱門問題係家長嘅職業，除非是很形像化的工作，例如醫生👩🏻⚕️消防員👩🚒等，否則家長盡量避免只係叫小朋友強記職業名稱，因為通常老師會追問落去。由於有D工種小朋友真係未有足夠能力去理解，例如：會計、marketing 等，家長最好可以用D實例去解說，搞笑D都唔怕，因為佢係小朋友。
小一面試中，老師好多時會問小朋友一些關於佢自己嘅事情，例如名稱、生日、父母名字、自己的喜好等。這些問題看似很基本，但若家長肯花一點時間在家預演一下，讓他們認識自己多一點，面試時會答得更流暢、更自然、更有自信。我們設計了一份工作紙，家長可以自行列印出來和小朋友在家練習😊
其實家長唔一定要一次過設定一set model answer 比小朋友，可以不斷週整，建議大家用個 file 裝起依份 worksheet，不斷 update。當小朋友嘅口味轉咗就將新嘅資料放入去，好似一個旅程咁記錄咗自己嘅轉變。當日積月累後，小朋友了解自己多咗，自然不愁無話題同老師講啦！
Comentários